Ізғали Байнашев – химия кафедрасының негізін қалаушы, саяси репрессия құрбаны

Abstract

Мақала қазіргі Марат Оспанов атындағы Батыс Қазақстан медицина университетін құруға атсалысқан, оның алғашқы кафедраларының бірі бейорганикалық химия кафедрасын ұйымдастырған Ізғали Байнашевке арналған. Өткен ғасырда кеңес дәуірінде орын алған саяси қуғын-сүргін кезінде жазықсыз жапа шеккендердің арасында мақаланың кейіпкері І.Байнашев те болды. Жоғары оқу орнында ол аздаған уақыт қана жұмыс жасап үлгерді. Осы уақыт аралығында ол барлық күш-жігерін кафедраны білікті мамандармен қамтамасыз етуге, оқу жұмысын қажетті деңгейде ұйымдастыруға жұмсады. Әрдайым өткен тарихымызды ұмытпай, біздің болашағымыз үшін күрескен ата- баба рухына тағзым ету – біздің парызымыз.