Арнайы орта оқу орындары білім алушыларының дұрыс тамақтануына гигиеналық баға беру (Ақтөбе қаласы мысалында)

Abstract

Кіріспе. Өскелең ұрпақтың денсаулығының мықты болуына әсер ететін бірнеше факторларды атауға болады, олар – дұрыс тамақтану, салауатты өмір салтын сақтау және т.б. Дұрыс тамақтану – ағзаға қажетті күнделікті жеткілікті мөлшерде макро-, микронутриенттердің түсіп отыруы және тамақтану режимін сақтау. Мақсаты. Ақтөбе қаласындағы арнайы орта оқу орындары білім алушыларының дұрыс тамақтануына баға беру. Әдістер. Зерттеуге 15-18 жас аралығындағы 500 жасөспірім қатысты, оның ішінде 224 (44,8%) ер балалар және 276 (55,2%) қыз балалар. Ғылыми зерттеу жұмысында сауалнамалық әдіс қолданылды. Аталған сауалнама арнайы орта оқу орындары білім алушыларының дұрыс тамақтануын анықтауға негізделген. Нәтижелер. Тамақтану режимін жасөспірімдердің 73,8%-ы сақтайтын болса, 26,2% сақтамайтындығы анықталды. Бірінші және екінші ыстық тағамдарды 39,6% күніне 2-3 рет тұтынса, ал 28,2 % аптасына тек бірнеше рет ішетіні айқындалды. Фаст-фудты, гамбургер, донер, чизбургер тағамдарын тұтыну күніне бірнеше рет 8%, аптасына бірнеше рет 16,4% және айына бірнеше рет 28,4% құрады. Жасөспірімдердің чипсы, кириешки өнімдерін тұтыну 24,6% аптасына бірнеше рет және күнде тұтынатындары 7,2 % құрады. Қорытынды. Зерттеу барысында, сауалнамаға қатысқан білім алушылардың 20%-ы көбі тамақтану режимін сақтамайтындығы және фаст-фудты жиі тұтынатыны анықталды.