Қатерлі ісікке тұқымқуалаушылыққа бейім отбасыларға скринингтік зерттеулерді ұйымдастыру

Abstract

Кең таралуы және жоғары өлім көрсеткіштеріне байланысты қатерлі ісіктер бүкіл әлем елдерінің денсаулық сақтау саласының басты мәселелерінің бірі болып табылады. Мәселенің мән-жайын түсіну үшін бүгінгі таңда қатерлі ісіктің этиологиясы мен патогенезіне байланысты сұрақтарға жауап беруге мүмкіндік беретін көптеген мәліметтер алынды. Онкологиялық патологияның таралуын зерттеу мақсатымен дені сау және әртүрлі онкологиялық ауруға шалдыққан науқастар арасында сауалнама жүргізілді. Біріншіден, отбасындағы онкологиялық патологияның бар-жоқтығын анықтау, екіншіден, онкологиялық аурулардың отбасылық формаларының жиілігін анықтау. Жүргізілген экспресс-сауалнама нәтижесінде келесідей мәліметтер алынды. Сауалнамаға 96 жауап беруші қатысты (медициналық университеттің білім алушылары және онкологиялық диспансер науқастары). 43 сауалнама өздігінен толтырылды, қалғандары стационарлық науқастың картасынан көшірілді.