Медицина мамандықтарында философия пәнін оқытудың танымдық қызметі

Abstract

Мақалада философия пәнін дәрігерлерге оқыту – медицина әдіснамасы ретінде, дәрігерліктің теориясы мен практикасының барлық салаларында кездесетін ғылыми білім әдістерін үйрету қарастырылады. Ол медицинадағы ғылыми білімнің алғашқы үрдістерін қалыптастырады. Оларға объективтілік, толыққандылық, нақтылық, зерттеу және т.б. жатады. Философия пәні дәрігерді саналы жүйемен қамтамасыз етіп, заманауи ғылыми-диалектикалық ойлауды қалыптастырады. Қазіргі кезде философия мен нақты ғылымдар бірлікте, оның ішінде медицина ғылымы да бар. Бұл олардың әдістерінің өзара байланысы кезінде көрініс табады. Үлкен жауапкершілікті талап ететін, адам өмірінің арашашысы болып есептелетін дәрігер мамандарын даярлаудағы білім үрдісінде, жаңа әдістерді, жаңа жаһандық технологияларды пайдаланудың өзектілігі күн санап артып келетіні айтылады. Сонымен қатар, әр кезеңнің ғалымдарының көзқарастары талданады.