Қазіргі білім беру саласындағы білім философиясының әдіснамалық ролі

Abstract

Мақалада ғылым мен білім саласындағы білім философиясының пәнаралық ролі, оның педагогикалық теориямен диалектикалық байланысы көрсетіледі, философиялық білім дамуының қажеттілігі философия ғылымының бөлек саласы ретінде дәлелденіп, дәйектеледі. Оның ішінде білімнің заманауи жағдайының өзекті қырлары, ғылыми-философиялық заңдылықтар тұрғысынан алғанда, методология және методика сұрақтары сарапталады. Білім философиясының даму кезеңдері идеялар тарихындағы ғылым ретінде отандық және батыс дәстүрлерінің көрінісінде сарапталады. Мақалада ғылыми таным мен педагогикалық істің түрлі өзара қарым-қатынасына, отандық және батыстық білім жүйесінің құрылымдық ерекшеліктеріне аса назар аударылады. Базалық, жеке, әлеуметтік және кәсіби құзіреттілік сияқты қоғамның заманауи талаптарына сай, жан-жақты дамыған тұлға қалыптастыруда білім философиясының ролі қарастырылады. Сондай-ақ, заманауи қоғамдық дамуда оның дүниетанымдық жағына назар аударуға екпін қою қажеттілігі белгілі болады.