Жүктілікті медикаментозды және аспапты әдістермен жасанды үзу арасындағы салыстырмалы анализ

Abstract

Жасанды түсік - бұл хирургиялық немесе медикаментозды түрде жүктілікті 22 аптаға дейінгі тоқтату. Жасанды түсік әйелдің қалауы бойынша және дәрігердің қатысуымен, барлық асептика және антисептика әдістері сақтала отырып, қарсы көрсетілімдерді ескере отырып жасалады. Әйел қалауы бойынша жүктілікті 12 аптаға дейінгі аралықта үзу «жасанды ерте түсік» деп, ал 13-22 аптаға дейінгі аралықты «жасанды кеш түсік» деп атайді. Ерте деп бөлетін себебі, бұл кезде жатыр қуысындағы ұрық жұмыртқасының әйел ағзасына келтіретін зияндығы минималды болады. Бұдан кейін кеш кезеңде жүктілікті үзу асқынулар санын жоғарылата түседі. Жалпы жүктілікті кез келген уақытында үзу асқынулармен жүруі мүмкін.