Глаукомамен ауыратын науқастарды медициналық-санитариялық алғашқы көмек көрсету деңгейінде динамикалық бақылау жүйесін жетілдіру

Abstract

Глаукома – жаһандық деңгей тұрғысынан алғанда маңызды медициналық- әлеуметтік мәселе болып табылады. Диагностика мен емдеу шараларының жетістіктеріне қарамастан, глаукома Қазақстанда ғана емес, әлемде көру қабілетінің қайтымсыз жоғалуының жетекші себептерінің бірі болып қала береді. «Глаукома» термині – түрлі себептері мен клиникалық ерекшеліктері бар аурулар тобын қамтиды, бұл жағдайда глаукоманың нәтижесінде көру нервісінің үдемелі атрофиясы пайда болып, ақырында соқырлыққа әкелуі мүмкін [1]. 2020 жылы глаукомамен ауыратын адамдардың саны шамамен 76 миллионды құрады, ал 2040 жылға қарай бұл көрсеткіш 112 миллионға дейін өседі деп болжануда. Глаукоманың ең үлкен ауыртпалығы Азия мен Африка елдерінде байқалады, бұл демографиялық өзгерістермен және медициналық көмекке шектеулі қолжетімділікпен байланысты. Глаукома жас ұлғайған сайын, әсіресе 60 жастан асқан адамдар арасында артып, кей популяцияларда әйелдер арасында жиі кездеседі. Глаукоманың ең көп таралған түрі – ашықбұрышты глаукома, алайда Азия елдерінде жабықбұрышты глаукома жиі кездеседі, бұл соқырлықтың даму қаупін айтарлықтай арттырады