АҚТӨБЕ КАЛАСЫНДАҒЫ 60 ЖАСТАН АСҚАН ЖҰМЫС ІСТЕЙТІН ЖӘНЕ ЖҰМЫС ІСТЕМЕЙТІН ЗЕЙНЕТКЕРЛЕРДІҢ ӨМІР СҮРУ САПАСЫНЫҢ КӨРСЕТКІШІ

Abstract

Зерттеу мақсаты: Ақтөбе қаласында тұратын егде жастағы адамдардың денсаулық жағдайы мен өмір сүру сапасын бағалау. Әдістері: Ақтөбе қаласында тұратын егде жастағы адамдардың өмір сапасын бағалау бойынша бірмезеттік-көлденең зерттеу жүргізілді. Статистикалық мәліметтер бойынша алынған іріктеме мөлшері 148 адам. Өмір сапасы Еуропалық EuroQol 5D (EQ-5D) сауалнамасы және визуалды аналогтық шкаласы (EQ-VAS) арқылы бағаланды. Нәтижелер: Біз егде жастағы зерттеуге қатысушыларды жұмыспен қамту бойынша 2 топқа бөлдік. Бірінші топты жұмыс істейтін зейнеткерлер (78 адам), екінші топты – жұмыс істемейтін зейнеткерлерді (70 адам) құрады. Іріктеменің 21,6%-ы толық денсаулық жағдайында екені анықталды («11111» профилі). Оның ішінде жұмыс істейтін респонденттер (93,75%) жұмыс істемейтіндерге қарағанда (6,25%) айтарлықтай жоғары. Қорытынды: Алынған нәтижелер бойынша біз жұмыс істейтін егде жастағы адамдардың өмір сүру сапасының көрсеткіштерінің параметрлері жұмыс істемейтін зейнеткерлермен салыстырғанда жоғары деген қорытындыға келдік. Сонымен қатар, көрсеткіштердің төмендеуі жасына, физикалық қызметке байланысты.