АҚТӨБЕ ҚАЛАСЫНДАҒЫ ӨКПЕНІҢ СОЗЫЛМАЛЫ ОБСТРУКТИВТІ АУРУЫНЫҢ (ӨСОА) ЭПИДЕМИОЛОГИЯЛЫҚ АНАМНЕЗІН САУАЛНАМА КӨМЕГІМЕН ЗЕРТТЕУ

Abstract

Зерттеу мақсаты: Ақтөбе қаласының тұрғындарының тұратын аймағына байланысты өкпенің созылмалы обструктивті ауруының (ӨСОА) эпидемиологиялық анамнезін сауалнама көмегімен зерттеу. Әдістері. Ақтөбе қаласының емханаларында өкпенің созылмалы обструктивті ауруымен (ӨСОА) тіркелген науқастар арасында эпидемиологиялық анамнезін талдау мақсатында сауалнама жүргізілді (n=121). Сауалнама зерттеу көрсеткіштері тұрғысынан барлық құнды ақпаратты жинауға мүмкіндік беретін 11 сұрақ бойынша әзірленді. Нәтижелері. Сауалнама нәтижесі бойынша, өкпенің созылмалы обструктивті ауруымен (ӨСОА) тіркелген науқастар арасында 70 % шылым шекпейтіні, 20 % өндірісте жұмыс жасайтындықтары анықталды. Қорытынды. Қорыта келе, Ақтөбе қаласының емханаларында өкпенің созылмалы обструктивті ауруымен (ӨСОА) тіркелген науқастар арасында ӨСОА эпидемиологиялық анамнезін талдау нәтижесінде, науқастардың ауруын тек шылым шегумен немесе өндірісте жұмыс жасауымен ғана байланыстырмайтыны анықталды.