Қоздырылған босанудан туылған нәрестелердің бейімделу ерекшеліктері

Abstract

Өзектілігі. Акушерияда жиі босануды қоздыру (6,8%) қолданылады, олардың ішінде 11,6% жағдайда нәрестелерде әртүрлі денсалықтарының бұзылыстары байқалады. Зерттеудің мақсаты: Босануы қоздырылған аналардан туылған нәрестелердің ерте неонаталдық кезеңінің бейімделу ерекшеліктерін зерттеу. Материалдар мен әдістері: 2016 жылы Ақтөбе облыстық ауруханасының перзентхана бөлімінде қоздырылған босанудан туылған нәрестелердің даму тарихтарына ретроспективті талдау жүргізілді. Барлығы аталмыш мекемеде 4378 әйел босанған, олардың 6,8%-на (315 босану) босануды қоздыру қолданылған. Алынған мәліметтер статистикалық әдіспен өңделген. Зерттеу нәтижелері: Талдау мәліметтері бойынша қоздырылған босанудан туылған нәрестелердің 1/3 бөлігінде (35%) респираторлы дисстресс синдромы (РДС), ¼ бөлігінде (24%) ми ишемиясы, 11% транзиторлы тахипноэ анықталған. Туа біткен ақаулар 6 жағдайда (13%) және басқа көптеген ауытқулар анықталған. Анамнезінде жасанды және өз бетінен жүктіліктің үзілуі болуы жиі (47,5%) босануды қоздыруды қолдану себебі болып келеді. Босануы қоздырылған аналардан туылған нәрестелер арасында, босану кезінде ешқандай қоздыру тәсілдері қолданылмаған аналардан туылған нәрестелермен салыстырғанда, өлім-жітім көрсеткіші 2 есе артық болып келеді. Зерттеу нәтижелерін талдау: Талдау нәтижелері көрсеткендей балалар арасында индуцирленген босанудан туылғандардың 1/3 бөлігінде (38%) респираторлық дисстрес синдромы анықталады (РДС), дегенмен Имангалиева А.С. деректері бойынша [10], бұл балалардың, әсіресе, мерзімінен артық жүктіліктің 65% жағдайында ауыр жүйке жүйесінің зақымдануы кездеседі. Ауру балалардың аналарының жартысына жуығының (47,5%) анамнезінде 1-2 немесе 3 медициналық аборт, дамымай қалған жүктілік, түсіктер болған. 24% аналарда индукцияға көрсеткіш бойынша ұрық жағдайының бұзылуы, плацентаның ажырауы, 7% тексерілген балаларда әртүрлі созылмалы соматикалық аурулар анықталды. Брыксина Е.Ю. зерттеу нәтижелері бойынша 56% жағдайда жүкті әйелдерде әртүрлі дәрежедегі анемия тіркелген және 10% жағдайда преэклампсия, ал біздің нәтижелер бойынша ⅛ әйелдерде әртүрлі дәрежедегі анемия болған және 9% әйелдерде преэклампсия болды, бұл әдеби деректерден аса айырмашылығы жоқ екендігін көрсетеді