Ретрокохлеарлық құрылымдардың гистоморфологиялық өзгерiстерi негiзiнде созылмалы ортаңғы отиттер кезiндегi есту қабілетінің төмендеуінің ерекшеліктері және оның алдын алу

Abstract

Бұл монография үш бөлімнен құралған: клиникалық, эксперименталды және морфологиялық. Клиникалық бөлімінде созылмалы іріңді мезотимпанитпен ауыратын науқастардағы естімеушіліктің нейросенсорлы компонентінің пайда болу себептері тереңірек тексерілген. Созылмалы іріңді мезотимпаниттер кезінде естімеушіліктің нейросенсорлық компонентінің алдын алудың жетілдірілген және дәлелденген тәсілі ұсынылған. Эксперименталды бөлімде тәжірибелік әдіспен созылмалы іріңді ортаңғы құлақтың моделі мысықтарда жасалып, созылмалы іріңді ортаңғы отиттен кейін пайда болған мысықтардың эктосильвиева қатпарынадағы гистологиялық өзгерістер сипатталған. Сонымен қатар, эксперименталды жұмыста нейропротекторлық препараттың емдік әсері зерттеліп, алдын алу шаралары бойынша ұсыныстар жасалды. Морфологиялық бөлімінде ортаңғы құлақтағы ұзаққа созылған қабынудан кейінгі ретрокохлеарлық құрылымның гистоморфологиясы мен электронды микроскопиясы зерттелген және олардың ауырлық деңгейі созылмалы іріңді ортаңғы отиттің түріне қарай салыстырмалы түрде сипатталған. Бұл еңбек оториноларингологтар, неврологтар және есту проблемаларымен айналысатын басқа да мамандар үшін құнды мәліметтер береді деп сенеміз. Зерттеу нәтижелері клиникалық практикада науқастарға көмек көрсетудің тиімді жолдарын жетілдіруге ықпал етеді деген үміттеміз.